Përndiqte ish-të dashurën/ Arrestohet 34-vjeçari në Tiranë, në pranga dhe 2 të tjerë për dhunë

Një 34-vjeçar është vënë në prangat e policisë pasi akuzohet se ka përndjekur ish të dashurën me urdhër mbrojtje.

Po ashtu janë arrestuar dhe dy persona të tjerë 61 dhe 65 vjeç për dhunë ndaj bashkëshortes.

Njoftimi policise
Nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë i shtetasit O. A., 34 vjeç, pasi ka përndjekur ish të dashurën e tij, e cila ka qenë e pajisur me urdhër-mbrojtje.

Po nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit E. Th., 61 vjeç, pasi ka ushtruar dhunë fizike ndaj bashkëshortes së tij.

Nga specialistët për Hetimin e Krimit në Komisariatin e Policisë Nr. 6 u bë ndalimi i shtetasit M. K., 65 vjeç, pasi ka ushtruar dhunë fizike ndaj bashkëshortes së tij.

Materialet i kaluan Prokurorisë së Rrethit Gjyqësor Tiranë, për veprime të mëtejshme.