LIGJET E BIZNESIT
Një grup qytetarësh protestuan ditwn e sotme përpara ambasadës italiane në Tiranë. Ata kwrkuan që shteti fqinj t’i paguajë pensionet e tyre, pasi prej më shumë se njwzet vitesh kanë paguar kontributet e tyre në Itali.
“Kemi kontribuar për 30 vite në të dyja shtetet po trajtohemi si qytetarë të dorës së dytë. Përderisa nuk na njihet kjo e drejtë, përderisa sa ju thoni “ligji është barabartë për të gjithë”, do të thotë se kjo nuk është për ne, sepse ne nuk e gëzojmë këtë drejtë të tillë zoti ambasador. Prandaj themi se jemi viktimë të politikës. Transmentojeni këtë drejtë tonën qeverisë italiane, kemi 30 vjet që kontributet tona po mbushën gropën e IPS-it”, u shpreh një nga protestuesit.
Ndërkohë 82-vjeçari, Sali Burgija u shpreh se ka punuar për 15 vite si tornitor dhe i ka paguar të gjitha detyrimet në shtetin italian, por nuk ka përfituar pension, pavarësisht faktit se kontributet i ka derdhur në arkën e IPS-it.
“Kam paguar 820 mijë lireta kam dorëzuar kontribute, pse nuk na jepni të drejtën tonë. Po na trajtoni si nënë dhe pa babë. Kontributet na i vodhët, paratë s’po na i jepni. Kontributet na morët, paratë na i vodhët, kur do të na i jepni pensionet. Kur do të na i jepni? Kur të na dalë letra në shtylë dhe të ikim në varreza”, u shpreh 82-vjeçari.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
