“O Zot, është e tmerrshme”/ Gazetari rrezikon jetën duke raportuar ‘live’, bllokohet mes flakëve

Tatoi, një periferi e Athinës, është përfshirë nga një zjarr i madh që ka ‘gllabëruar’ masivin pyjor të zonës.

Gazetari i Top Channel, Artur Bibe po raportonte nga vatra e zjarrit. Në video duket zjarri i përmasave të mëdha, teksa gazetari thotë se zjarri i ka bllokuar në mes dhe është e pamundur të dalin.

“Me kamerën e Top Channel ndodhemi në mes të vatrës së zjarrit. Është e tmerrshme kjo që po ndodh. O Zot, është e tmerrshme!
Heronjtë zjarrfikës po fikin zjarrin, jemi të izoluar tani, në të dy krahët kemi zjarr”, raporton Bibe.

Raportohet për dëme të mëdha materiale, teksa zjarri ka djegur shtëpi e biznese.