Noizy planifikon për të prishur koncertin e Bregoviç në Korçë, ja çfarë do të bëjë ai

Para pak ditësh, reperi Noizy bëri thirrje në rrjetet sociale kundër pjesëmarrjes së këngëtarit serb Goran Bregoviç në Festën e Birrës në qytetin e Korçës.

Noizy deklaroi se do të angazhohej “me çunat” për prishjen e koncertit, duke nënkuptuar kështu se do shkaktohej rrëmujë.

Mirëpo tashmë ai ka vendosur të zgjedhë një strategji të re. Në rrjetet sociale, Noizy shpjegon se mënyra e mirë për të prishur koncertin e Bregoviç në Korçë, do të ishte organizimi i një koncerti paralel, i cili do të rrëmbente të gjithë fansat.

Ai fton që në këtë koncert të marrin pjesë edhe këngëtarë të tjerë shqiptarë.

Duhet të bëjmë një koncert t’ia marrim gjithë fansat asaj festës, në të njëjtën ditë dhe të njëjtin orar”, shkroi ai fillimisht në një fotografi të publikuar nga palestra.

“Duhet të mblidhemi të gjithë artistët e të gjitha zhanreve, të bëjmë një koncert tjetër paralel me atë që ka organizuar Bashkia e Korçës. Dhe iu bëj thirrje artistëve shqiptarë që kanë pranuar të shkojnë te koncerti ku është i ftuar ai, mirë është ta anulojnë atë, le të këndojë vetëm ai tri ditë rresht, pa fansa. S’kam asgjë kundër artistëve të asnjë shteti, por jam kundër një artisti që ka nxitur dhunë kundrejt vëllezërve dhe motrave tona, si ky rasti”, shkruan Noizy në InstaStory.