Në timon duke ‘fluturuar’/ Me 176 km në orë, ja prita që iu bën policia shoferëve në Tiranë-Elbasan

Mesnatën e djeshme radari i policisë në rrugën Tiranë-Elbasan ka pikasur shoferët që fluturojnë në rrugë me shpejtësi deri në 176 km/h.

Mësohet se gjatë katër orëve janë pezulluar 10 leje drejtimi si dhe janë lëshuar 22 gjoba për shpejtësi mbi normën e lejuar.

“Duke vlerësuar shqetësimin qytetar dhe rrezikun permanent që shkakton shkelja e rregullave të qarkullimit rrugor, e adresuar në forma dhe menyra të ndryshme, e ndersa pritet një reflektim pozitiv nga përdoruesit e rrugës, konstatimet e rrugorëve, telefonatat dhe denoncimet e qytetareve nëpërmjet aplikacionit të Komisariatit Dixhital,
tregojnë se ka akoma shumë punë për të disiplinuar të “pabindurit” dhe “vrasësit e sigurisë në rrugë”, mjafton të referosh disa nga shkeljet kryesore të evidentuara përgjatë muajit korrik nga Policia Rrugore e kryeqytetit, të cilat mbartin jo vetëm disa numra statistikor, por dhe shkallën e lartë të rrezikut dhe neglizhencës që karakterizon akoma drejtuesit e mjeteve, që vijojnë të luajnë me sigurine e jetes së tyre dhe të tjerëve në rrugë”, apelon policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern