“Na q… nënën mor burrë” Dalin përgjimet e vëllezërve Debreshi, si dështoi plani i kandidatit të pavarur për të fituar azil në Gjermani

Dalin detaje të reja në lidhje me vënien e sasisë së eksplozivit ndaj makinës së ish-kandidatit të pavarur për deputet në qarkun e Dibrës, Elton Debreshi.

Mësohet se ky i fundit ka bashkëpunuar me të vëllanë, në mënyre që të përfitonin së bashku azil në Gjermani.

Ata kanë inskenuar tritolin në makinën e Elton Debreshit.

Policia zbuloi se autori ishte vëllai i tij, mirëpo në dëshmitë e dhëna në polici ata e kanë mohuar.Gjithsesi, ishin përgjimet ato që zbuluan planin e dy vëllezërve.

Alfred Debreshi i cili tashmë ndodhet në burg i drejtohet vëllait të tij, Eltonit, me fjalët: “më fute në burg, me q… nënën”, “e din se m’ke çu më burg o plak”, “na q… nënën mor burr”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Po kështu gjatë bisedave të përgjuara, Alfred Debreshi dhe Elton Debreshi, flasin për mënyrën se si ato e kanë deklaruar ngjarjen përpara policisë dhe janë shumë të shqetësuar pasi deklarimet e Alfredit nuk përputhen me faktet e tjera të deklaruara prej tyre.