Mrekullibërës/ Ky është fruti që ju mbron nga rrezet e diellit

Ekspozimi i pambrojtur dhe i tepërt ndaj diellit është një ndër faktorët më kryesorë të plakjes së parakohshme dhe dëmtimeve të forta të lëkurës.

Aplikimi i solucioneve të duhura dhe të mira kundër diellit, mbajtja e kapeles dhe syzeve, janë hapi i duhur për të mbrojtur lëkurën tuaj.

Një studim i publikuar në revistën e Akademisë Amerikane të Dermatologjisë, provoi se rrushi mund t’ju mbrojë nga rrezet e diellit.

Çfarë e bën rrushin të ketë këtë efekt mbi lëkurën tuaj?

Pas kësaj janë polifenolet, një familje tepër e madhe mikronutrientësh natyralë të cilët ofrojnë shumë përfitime shëndesore.

Polifenolet gjenden tek një sërë frutash dhe perimesh, përmendim mollët, karrotat, manaferrat dhe brokoli.

Studime të shumta tregojnë se këto ushqime duke qenë se përmbajnë shumë antioksidantë dhe kanë veti anti-inframatore, mund të parandalojnë shumë sëmundje.