Duke nisur nga data 6 gusht Italia do të aktivizojë sistemin e përdorimit të certifikatës jeshile për të hyrë në ambientet e mbyllyra si: lokale, restorante, palestra, pishina, ceremoni fetare etj.
Sipas vendimit të qeverisë, Green Pass do të bëhet me detyrim për të hyrë në struktura publike si: qendra shëndetësore dhe për të udhëtuar në Europë.
Të gjithë qytetetarët mund të sigurojnë Green Pass vetëm atëhere kur të kenë kryer të dyja dozat e vaksinës anti-Covid.
Në rast se ky urdhër nuk do të zbatohet, qeveria italiane ka parashikuar gjoba të kripura si për pronarët e bizneseve ashtu dhe për qytetarët.
Gjobat do të fillojnë nga 400 euro deri në 100 euro, gjithashtu pronari i biznesit nëse kapet në shkelje do ti mbyllet aktiviteti i tij nga 1 ditë deri në 10 ditë.
Gjithashtu, qeveria italiane po punon për të hartuar një hartë të funksionimit të pasaportës jeshile që mund të bëhet e detyrueshme edhe për të udhëtuar në trena, avionë si dhe për sistemin shkollor dhe atë të punësmit.
Për më shumë detaje pritet që në orët në vijim ministrat e qeverisë së Mario Draghit të dalin në një deklaratë për të zbuluar më shumë mbi këto ligje të reja për parandalimin e Covid-19.
