Një ngjarje skandaloze ka ndodhur gjatë një programi televiziv në Bregun e Fildishtë.
Shikuesit mbetën të shokuar, pasi drejtuesi i dha një personi të dënuar për përdhunim një manekin, ku më pas i kërkoi të tregonte se si sulmonte gratë dhe vajzat.
Moderatori Yves de M’Bella e prezantoi burrin si një ish-përdhunues dhe i kërkoi atij të shpjegonte me detaje se si i përdhunonte viktimat e tij pasi i la në dorë manekinin.
Në fund të “demonstrimit” i cili u krye përpara dhjetëra spektatorëve, burri u ftua që të jepte disa këshilla për gratë se si të shmangnin përdhunimet.
Një ditë më pas, kanali Nouvelle Chaine Ivoirienne kërkoi për herë të parë falje për gjithçka ndodhi, kjo edhe pas një peticioni të nënshkruar nga mbi 30 mijë persona që kërkonin dënimin e prezantuesit.
