LIGJET E BIZNESIT
Kancelarja gjermane, Angela Merkel, tha të hënën (16 gusht) se operacioni ushtarak në Afganistan, i udhëhequr nga SHBA-ja, ka arritur më pak rezultate sesa që ishte planifikuar.
“Misioni arriti të ndalojë Al-Kaidën që të mos përsërisë sulmet e saj të 11 Shtatorit 2001 në Shtetet e Bashkuara, por gjithçka tjetër që ka pasuar nuk ka qenë aq e suksesshme dhe nuk është arritur në mënyrën që ne kishim planifikuar”, u tha Merkel gazetarëve.
“Është e tmerrshme për miliona afganë që kishin punuar për një shoqëri më të lirë dhe të cilët, me mbështetjen e komunitetit perëndimor, janë përqëndruar në demokracinë, në arsim, në të drejtat e grave”, tha ajo.
Mësimet duhet të nxirren nga operacioni dy-dekadësh, tha Merkel, duke shtuar se në misione të tillë mbase duhet vendosur qëllime më të vogla.
Kreu i partisë së Merkelit, Armin Laschet, e kishte quajtur të hënën më herët operacionin në Afganistan si “debaklin më të madh” në historinë e NATO-s.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Talibanët kanë pretenduar fitore më 15 gusht, pasi kanë marrë kontrollin e kryeqytetit, Kabulit, pas gati 20 vjetëve të dhënies fund të prezencës ushtarake të forcave të udhëhequra nga Shtetet e Bashkuara.
Qeveria ka rënë dhe presidenti Ashraf Ghani ka ikur nga shteti./rel
