LIGJET E BIZNESIT
Për të rritur sigurinë në rrugë, policia ka ndërmarrë masa për të gjithë drejtuesit e mjeteve të ci;ët nuk zbatojnë rregullat e qarkullimit.
Policia Rrugore e Fierit shprehet se nisur edhe nga fluksi i madh i automjeteve që lëvizin në drejtim të zonave bregdetare dhe anasjelltas, ka intensifikuar edhe kontrollet përgjatë fundjavës duke monitoruar kështu qarkullimin e automjeteve me radarë, patrulla të lëvizshme, dronë e dragera me qëllim parandalimin e aksidenteve.
“Përgjatë 48 orëve të fundit, gjatë monitorimit me radar, kryesisht në
Bypass-in e Fierit dhe aksin Lushnjë-Fier, janë evidentuar 34 drejtues mjetesh dhe ndëshkuar me masë administrative nga 20.000 deri në 40.000 lekë të rinj dhe me pezullim të lejes së drejtimit nga 2 muaj deri në 12 muaj, pasi qarkullonin me shpejtësi nga 144 km/h deri në 186 km/h. Gjithashtu janë ndëshkuar me masë administrative nga 3.000 deri në 6.000 lekë të rinj për shpejtësi mbi normat e lejuara, por pa sanksionin plotësues, 79 drejtues mjetesh që qarkullonin me shpejtësi deri në 140 km/h, ku limiti i lejuar është 110 km/h”, thuhet në njoftim.
Po gjatë 48 orëve të fundit, si rezultat i monitorimit të qarkullimit falë përdorimit të dragerave, dhe falë telefonatave të qytetarëve janë vënë në pranga 5 drejtues mjetesh, nga të cilët 3 prej tyre drejtim mjeti në gjendje të dehur të cilët kryenin manovra të rrezikshme në rrugë dhe 2 për drejtim mjeti pa patentë. Po ashtu, janë ndëshkuar me pezullim të lejes së drejtimit për drejtim mjeti nën efektin e alkoolit në masë që varionte nga 0.31 mg/l deri në 0.49 mg/l, 13 drejtues mjetesh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
