Me 3 identitete, 16 mijë paund dhe një çantë me kana bis/ Ja sa u dënua shqiptari në Angli

16 muaj burg vendosi drejtësia britanike, për Artenis Tërshalla, një shqiptar i cili kishte 3 identitete.

Kur ai u kontrollua nga policia në mjet u gjetën 4 mijë paund, një thikë dhe një çantë me kanabis.

Hetimet më pas zbuluan se shqiptari kishte tre identitetet italiane, bullgare dhe shqiptare me të cilat qarkullonte në shumë vende.

Pasaporta bullgare që kishte me vete rezultoi të ishte false, ndërsa pasaportën italiane e kishte përdorur në Britani për të hapur një llogari bankare ku ishin depozituar 12 mijë paund.

Ndërkohë shqiptari tha se makinën e kishte huazuar përkohësisht dhe se nuk kishte dijeni se çfarë kishte brenda saj, por pavarësisht kësaj deklarate, u prangos.