Presidenti Ilir Meta ka dhënë një mesazh ngushëllimi për ndarjen nga jeta të artistit të njohur shkodran, Mjeshtrit të Madh Kujtim Alija.
Ky i fundit mbylli sytë përgjithmonë sot, në moshën 60 vjeçare, pas një beteje të gjatë me një sëmundje të rëndë.
“… shembull i intelektualit dhe qytetar model të Shkodrës, humbja e tij le pas shumë dhembje”, shkruan Meta ndër të tjera.
REAGIMI I PLOTE:
I trishtë lajmi për ndarjen e parakohshme nga jeta të artistit të mirënjohur shkodran, Mjeshtrit të Madh Kujtim Alija, simbolit të Festivaleve të Këngës për Fëmijë.
Personalitet i shquar i muzikës shqiptare, dirigjent virtuoz, edukator energjik dhe mësues i palodhur i shumë gjeneratave me vlerat e artit dhe kulturës kombëtare, zbulues i talenteve të rralla që do shkëlqenin në skenat vendase dhe botërore, shembull i intelektualit dhe qytetar model të Shkodrës, humbja e tij le pas shumë dhembje.
Ngushëllime familjes, komunitetit të dashur shkodran, artistëve dhe bashkëpunëtorëve të shumtë.
Të prehet në paqen e merituar!
