“Kosova mund të goditet nga një tërmet deri në 6.3 ballë” Drejtori i Institutit Sizmik lëshon paralajmërimin

Në të ardhmen Kosova mund të goditet nga një tërmet me magnitudë 6.3 të shkallës Rihter.

Alarmin e ka ngritur drejtori i Institutit Sizmik Shemsi Mustafa.

Ai është shprehur se po ky shtet u godit nga 7-8 tërmete javën e kaluar, me magnitudë të ndryshme.

“Kjo tregon se në të kaluarën por edhe tani Kosova mund të goditet me një magnitudë prej 6.3 shkallë të rihterit, shqetësimi i qytetarëve është krijuar sepse të gjithë e dinë se një dekadë pasluftës kanë qenë disa ndërtime të kryera në mënyrë të egër, pa respektuar kriterin e ndërtimit”, ka thënë ai në KTV.

Ndryshe, gjatë së dielës në Kosovë janë ndjerë lëkundje të lehta toke.

Epiqendra e tërmetit ishte 10 km në jug të Vitisë. Tërmeti në fjalë është ndier dukshëm në disa zona përreth.