“Kosova është shtet i pavarur” Politikani serb habit me deklaratën: Nuk jam tradhëtar

Kryetari i Lidhjes së Socialdemokratëve të Vojvodinës (LSV) Nenad Çanak, ka bërë së fundmi një deklaratë të fortë.

Sipas tij Kosova është shtet i pavarur.

Ai u shpreh për televizionin serb “Happy” se ky është mendimi i tij personal dhe se të gjithë mund të binden për këtë gjë nëse shkojnë në Gjakovë.

“Nëse shkoni në Gjakovë, atëherë shihni se ata kanë policinë e tyre, gjyqësorin e tyre, një sistem policor që funksionon”, tha Çanaku.

Më tej ai u shpreh se për shkak të një qëndrimi të tillë nuk e konsideron veten tradhtar.

“Sikur të kishte referendum në kohën e Galileut – nëse toka është e sheshtë, 99 për qind do të thoshin po, por kjo nuk do të thotë që toka është e sheshtë, por që njerëzit mendojnë kështu”, tha Çanaku, duke komentuar qëndrimet që mbizotërojnë për Kosovën ndër qytetarët e Serbisë.