Kampionia Olimpike bën gjestin e madh/ Nxjerr në ankand medaljen për të paguar operacionin e një bebeje!

Hedhësja polake e shtizës, Maria Andrejczyk e cila fitoi një nga 14 medaljet e vendit të saj në Tokio ka nxjerrë në ankand medaljen e saj të argjendit për të ndihmuar në pagimin e operacionit të zemrës së një foshnjeje 8-muajshe.

Andrejczyk, 25 vjeçe, vendosi të mbledhë fondesh për vogëlushin Miloszek Malysa, i cili vuan nga një sëmundje e rrallë e zemrës dhe ka nevojë për një ndërhyrje kirurgjikale për të mbijetuar.

Ajo vendosi ta nxirrte medaljen e saj në ankand dhe t’i dhuronte paratë familjes së Miloszekut.

Zinxhiri polak i dyqaneve ”Zabka Polska” grumbulloi 125 000 dollarë si oferta fituese, por ofertuesi ja ktheu sërish më vonë medaljne kampiones.

Andrejczyk doli e katërta në garën e shtizës në Olimpiadën e Rios 2016.

Në vitin 2018, ajo u diagnostikua me kancer, por sidoqoftë fitoi të argjendtën në Tokio 2020.