Vrasja e 18-vjeçares nga Ferizaj dhe lënja e trupit të pajetë në derën e spitalit ka tronditur opinion publik.
Babai i viktimës ka treguar për mediat se ai e kuptoi vonë se vajza e tij shoqërohej me një person që ka pasur vepra kriminale.
Ai u shpreh për RTK-në se është shumë i tronditur, por pret që organet e rendit dhe ligjit ta zbardhin rastin dhe të kapin të dyshuarin.
Ai tregon më tej se vajza ka jetuar për rreth dy muaj me personin që është në kërkim, por sipas tij, vajza e tij ka qenë në presion dhe është frikësuar që t’i tregoj familjes për dhunën që i ka ushtruar personi që tashmë është në arrati.
Ai shton se vazhdimisht e kanë pyetur, por 18-vjeçarja nuk ka treguar asgjë, sepse ka qenë në presion psikik. Po ashtu, ai është shprehur i revoltuar me organet e drejtësisë që kanë lënë në liri një person të dyshuar për disa vepra penale.
