Ishte shpallur në kërkim/ Arrestohet vlonjati i dënuar me burg, policia zbardh akuzat që rëndojnë mbi të

Policia ka vënë në pranga një 37-vjeçar pasi ishte shpallur në kërkim kombëtar për veprën penale “Mashtrimi”.

Ai është identifikuar si Kimet Çollaku, banues në Vlorë dhe ishte dënuar me 3 vite burg, nga të cilat i kanë mbetur për të vuajtur dhe 2 vite.

NJOFTIMI ZYRTAR I POLICISE

DVP Vlorë

Vijon puna për kapjen e personave të shpallur në kërkim kombëtar.

Vihet në pranga një 37-vjeçar i shpallur në kërkim për veprën penale “Mashtrimi”.

Nga specialistët për Hetimin e Krimit Ekonomik e Financiar në DVP Vlorë, në vijim të punës për kapjen e personave në kërkim dhe vënien e tyre para përgjegjësisë penale, u bë kapja e shtetasit:

Kimet Çollaku, 37 vjeç, banues në Vlorë, pasi Prokuroria pranë Gjykatës së Shkallës së Parë Fier ka dërguar urdhërin për ekzekutim e vendimit të Gjykatës së Apelit Vlorë, e cila e ka dënuar me 3 vjet burg, për veprën penale “Mashtrimi”, nga të cilat i kanë mbetur për të vuajtur edhe 2 vjet burg. 37-vjeçari do ti dorzohet shërbimeve të DVP Fier, për veprime të mëtejshme proceduriale.