Iker Casillas një hero edhe jashtë fushe/ Shkon në qytezën ku ka lindur për të ndihmuar në luftën kundër zjarreve

Ashtu si në shumë shtete të tjera, edhe në Spanjë zjarret kanë përfshirë shumë zona të vendit.

Në Navalacruz janë djegur më shumë se 15,000 hektarë pynë, ndërkohë që në ndihmë për shuarjen e zjarreve ka shkuar dhe Iker Casillas, portieri historik i Real Madrid, që ka prejardhje nga ky vend.

Casillas ka udhëtuar tek vendi i tij për të ndihmuar bashkatdhetarët, duke bashkëpunuar me zjarrfikësit dhe anëtarët e Njësisë së Urgjencës Ushtarake në luftën kundër zjarrit.

“Me forcë kundër flakëve, pa frikë për të ndihmuar dhe punuar së bashku!”, ka shkruar Casilla në rrjetet sociale.

Ai ka lavdëruar të gjithë që ishin në këtë luftë për punën dhe trimërinë.