Habit avokati Ngjela: Mandatin e tretë Ramës “ia dha” Sali Berisha

Avokati i njohur Spartak Ngjela e ka cilësuar mediokre kabinetin qeveritar të kryeministrit Edi Rama, kryesisht në vitet e fundit.

Ngjela thotë se në këtë mandat të tretë qeverisës, të cilin avokati thotë se e fitoi nga Berisha, duhet ta plotësojë me akademikë dhe persona të kultivuar.

Arsyeja se pse avokati thotë se ishte ish-ish kryeministri Berisha që i dha mandatin e tretë Edi Ramës, është sepse “njerëzit nuk e duan ish-kreun demokrat, dhe kështu “nga e keqja” votojnë Ramën”.

Spartak Ngjela: Edi Rama ka pasur deri tani qeveri mediokre. Dhe kjo vetëm për shkak të opinionit publik, sepse njerëzit nuk e duan Saliun. Ju e patë sa vota mori Saliu. Në këto momente Shqipëria është në një pikë të nxehtë në funksion të zhvillimit. Mund të them se e vetmja shpresë e maxhorancës është të nxjerrë një qeveri në funksion të ekspertizës. Ku ka qeveri në botë që nxjerr ministra të panjohur. As Mao Ce Duni nuk e ka lejuar këtë. Pra do të nxjerrë një qeveri të nivelit të lartë. Presim e shohim nëse do i drejtohet botës akademike.