Greqi/ U fsheh pas kondicionerit dhe ra në kontakt me rrymën elektrike, humb jetën i mituri shqiptar

Një ngjarje e rëndë ka ndodhur në Greqi ku një i mitur 12-vjecar ka humbur jetën pasi ka rënë në kontakt me energjine elektrike.

Ngjarja e rëndë  u shënua mbrëmjen e së shtunës në Zakynthos. Mediat atje shkruajnë se 12-vjeçari shqiptar ishte duke luajtur me shokët e tij në një hotel, ndërsa ishte fshehur pas një kondicioneri të madh.

Në atë moment ikën dritat dhe i mituri preku pjesën e prapme të kondicionerit e cila ishte e ngarkuar me energji elektrike. Megjithëse i mituri u dërgua në spital, ai nuk mundi të mbijetonte. Policia shoqëroi pronarin e hotelit ku ndodhi ngjarja e rëndë.