Apeli i Shkodrës dënuar me 14-vite burg shtetasin Rinard Tota, i arrestuar në vitin 2017 për “Shfrytëzim prostitucioni”.
54-vjeçari i cili ndryshe njihet edhe si Frederik Tota, u shpall fajtor për veprat penale “Shfrytëzim Prostitucioni”, “Mbajtje e lokaleve për prostitucion”, “Ushtrim pa license i veprimtarive financiare”, “Pastrim i produkteve të veprës penale ose veprimtarisë kriminale”, “Vjedhje e energjisë elektrike ose impulsive telefonike” dhe “Ndërtim i Paligjshëm”.
Duke përllogaritur dhe kohën e paraburgimit Totës i ngelën për të shlyer dhe 9 vite të tjera burg.
Ndërkohë Apeli ndryshoi vendimin e dhëne nga Shkalla e Parë për kushëririn e Totës, shtetasin Kastriot Musa, duke e çuar dënimin nga 5 në 7 vite burg . Duke përllogaritur dhe kohën e paraburgimit këtij shtatsi i kanë mbetur dhe dy vite burg.
Shtetasja tjetër e arrestuar në lokalin e Totës në Shkodër, e cila dyshohej se ishte dhe tutorja e femrave që ushtronin prostitucion për llogari të Federikut, Sonila Mehja, 36 vjeçe, është dënuar me 8 vite burg nga Gjykata e Apelit në Shkodër, nga 9 që i ka dhënë Shkalla e Parë për veprat penale “Shfrytëzim Prostitucioni” dhe “Mbajtjes së lokalit për prostitucionit”.
36-vjeçares i kanë mbetur edhe 4 vite, pasi pjesën tjetër e ka shlyer gjatë kohës së paraburgimit.
