E rëndë/ Shënohet viktima e parë nga zjarret në Kosovë

Shënohet viktima e parë si pasojë e zjarreve në Kosovë.

Lajmin e ka konfirmuar policia, e cila bën me dije se personi që ka ndërruar jetë është nga fshati Novoselë i Malishevës.

Raportohet se viktima ka ndërruar jetë nga asfiksimi, pasi kishte shkuar te stallat në pronësi të tij të kapluar nga flakët.

“Si pasojë e kësaj vdekje dyshohet të jetë ajri i tymosur pasi që viktima kishte shkuar tek stalla e cila ishte përfshirë nga zjarri”, konfirmoi Policia e Kosovës.

Identiteti i viktimës nuk bëhet i ditur. Ndërkohë, autoritetet po punojnë intesivisht për të neutralizuar flakët.