LIGJET E BIZNESIT
Shtetet e Bashkuara kanë përfunduar tërheqjen e forcave të saj nga Afganistani, tha ushtria amerikane të hënën, gati njëzet vjet pasi pushtoi vendin pas sulmeve të 11 shtatorit 2001 në Amerikë.
Gjenerali detar Frank McKenzie, kreu i Komandës Qendrore të SHBA, e bëri njoftimin në një konferencë për lajmet në Pentagon pasi trupat e fundit të dërguara për të evakuuar amerikanët dhe afganët në rrezik pas kthimit të talebanëve në pushtet fluturuan jashtë kryeqytetit Kabul.
Shtetet e Bashkuara kanë evakuuar më shumë se 5,500 qytetarë amerikanë që kur filluan fluturimet e evakuimit më 14 gusht. Një numër i vogël i qytetarëve amerikanë kanë zgjedhur të vazhdojnë të qëndrojnë në Afganistan, shumë prej tyre në mënyrë që të mund të jenë me anëtarët e familjes.
Administrata e Biden ka thënë se pret që talebanët të vazhdojnë lejimin e kalimit të sigurt për amerikanët dhe të tjerët që të largohen nga Afganistani pasi të përfundojë tërheqja e ushtrisë amerikane.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
