LIGJET E BIZNESIT
Është arrestuar autori i vrasjes së Xhuljano Bullarit, ngjarje e ndodhur më 20 gusht në fshatin Babicë të Vlorës.
Mësohet se autori i këtij krimi të rëndë është Bledar Selmanaj, 39 vjeç. Ai është arrestuar në zonën e “Bllokut”, Tiranë.
Sipas njoftimit të policisë gjatë kontrollit fizik të ushtruar në momentin e arrestimit, këtij shtetasi iu gjetën dhe iu sekuestruan 1 armë zjarri pistoletë me 1 krehër me 10 fishekë, 1 aparat celular dhe një shumë parash.
Ndërkohë gjatë kontrollit në banesën e tij në Vlorë, është gjetur e groposur në oborrin e tij edhe pistoleta me të cilën kreu krimin.
Bledar Selmanaj kishte njohje të mëparshme me viktimën, të cilin dyshohet se e ka vrarë për motive të dobëta, me armë zjarri, mbrëmjen e datës 20.08.2021.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Viktima u gjet nga kalimtarë të rastit i gjakosur brenda makinës së tij “Fiat” ndërsa njoftuan policinë për krimin.
39-vjeçari nuk është një emër i panjohur për policinë pasi akuzohet per nje sere vjedhjesh në qytete të ndryshme të vendit.
Bledar Selmanaj vërtetohet se ka kryer 3 vjedhje në Gusht, 2 në Korrik të vitit 2012 dhe një tjetër në maj në Tiranë.
