E dënuar me 6 vite burg për mashtrim, ndalohet në Tiranë 57-vjeçarja (EMRI)

Specialistët për Hetimin e Krimit Ekonomik dhe Financiar kanë ndaluar sot një 57-vjeçare të shpallur në kërkim për mashtrim.

Sipas policisë, shtetasja në fjalë është Luli Makashi, e cila është dënuar me  6 vite burg nga Gjykata e Rrethit Gjyqësor Tiranë.

I njëjti vendim është lënë në fuqi dhe nga Apeli.

“Nga specialistët për Hetimin e Krimit Ekonomik dhe Financiar u bë ekzekutimi i urdhrit të ndalimit për shtetasen Luli Makashi, 57 vjeçe, sepse Gjykata e Rrethit Gjyqësor Tiranë e ka dënuar me 6 vite burg për veprën penale “Mashtrimi”, vendim të cilin e ka lënë në fuqi edhe Gjykata e Apelit Tiranë”, njofton policia.