“Do të fusim afganë”! Panikosen studentët në QS: Do na nxjerrin nga konviktet, nuk dimë si do t’ja bëjmë

Afërsisht dy mijë afganë mendohet të mbërrijnë në Shqipëri në operacione të ndara, teksa qeveria shqiptare po sheh si opsione akomodimi hotelet në Durrës dhe konviktet në Qytet Studenti apo edhe ato të shkollave të mesme.

Sudentët, të shqetësuar bëjnë me dijë se nga administratorët e konvikteve të tyre u është komunikuar se duhet të lirojnë dhomat për afganët që do të vijnë në Shqipëri në kuadër të marrëveshjes nga qeveria shqiptare mes kësaj të fundit dhe SHBA-së pas tërheqjes së trupave amerikane nga Afganistani.

“Na kanë thënë të marrim rrobat të lirojmë dhomën se do të strehohen afganët që do të vijnë në Shqipëri”, thotë për Faxëeb një studente, teksa raportime të ngjashme ka në disa godina të Qytetit Studenti.

Qeveria shqiptare është duke punuar ethshëm për të gjetur kapacitetet e nevojshme për të pritur një numër kaq të madh afganësh përkthyes dhe bashkëpunëtorë të NATO-s. Sytë janë hedhur edhe nga hoteleritë në qytetin e Durrësit të cilët janë të mbushura plot me pushues në këtë periudhë vere.

Lajmin për mbërritjen e qindra afganëve e bëri fillimisht të ditur agjencia e lajmeve Reuters ndërsa një ditë më pas e pohoi dhe kryeministri shqiptar Edi Rama.