Dënohet me vde kje një 8-vjeçari, urinoi në qilimin e një medreseje

Një djalë 8-vjeçar hindu po mbahet nën arrest në Pakistanin lindor duke u bërë personi më i ri që është akuzuar ndonjëherë për blasfemi. Familja e djalit është fshehur dhe shumë nga komuniteti hindu në rrethin e Rahim Yar Khan, në Punjab kanë ikur nga shtëpitë e tyre pasi një turmë myslimane sulmoi tempullin e tyre. Gjithçka ndodhi pas lirimit me kush të të miturit.

Djali akuzohet se ka urinuar qëllimisht në një qilim në bibliotekën e një medreseje, ku mbaheshin libra fetarë. Akuza për blasfemi mund të sjellë edhe dënimin me vdekje të të miturit, shkruan dosja. Aktivistët në Pakistan i kanë bërë thirrje qeverisë që të ndërhyjë dhe të lirojnë të miturin nga akuzat. Ndërsa familja e djalit, i cili nuk është identifikuar publikisht, i tha The Guardian se ai nuk e kuptonte pse ishte arrestuar.

“Ai as nuk është në dijeni për çështje të tilla blasfemie dhe ai nuk e di fare arsyen se përse po e mbajnë në burg prej disa javësh. Ne kemi lënë dyqanet dhe punën tonë, i gjithë komuniteti është i frikësuar dhe kemi frikë nga reagimet. Ne nuk duam të kthehemi në këtë zonë. Ne nuk shohim ndonjë veprim konkret dhe kuptimplotë që do të ndërmerret kundër fajtorëve ose për të mbrojtur pakicat që jetojnë këtu”.