Një vajzë 20-vjeçare është dërguar dhe lënë pa shenja jete pasditen e djeshme në derën e spitalit në Ferizaj. Të renë e kanë pikasur mjekët, të cilët kanë konstatuar gjithashtu që vajza ishte e vdekur.
Sakaq, mediat në Kosovë kanë publikuar pamjet e dy të rinjve, të cilët u zhdukën pasi lanë vajzën në derën e spitalit.
Të rinjtë janë shpallur në kërkim, ndërsa fotografitë e tyre janë nxjerrë dhe janë shpërndarë në të gjitha pikat kufitare dhe të gjitha drejtoritë të policisë së Kosovës.
