Borxhi i mori jetën/ Zbardhet përplasja në makinë e 25-vjeçarit me pasagjerin dhe sherri që çoi në ekzekutimin e tij

Ditën e sotme policia arrestoi vrasësin e 25-vjeçarit Xhuliano Bullari.

Mësohet se krimi ka ndodhur pas konflikteve për çështje droge.

Sipas burimeve për mediat viktima Bullari dhe autori Bledar Selmanaj janë nisur së bashku nga Tirana në Vlorë për çështje që lidhen me trafikun e lëndëve narkotike.

Shkak për vrasjen është bërë një borxh që viktima i kishte autorit, një shumë parash, dhe kjo ka sjellë që mosmarrëveshja të agravohet.

Në debat e sipër ai e ka qëlluar brenda në automjet duke e lënë te vdekur në vend.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Selmanaj ka pranuar në Polici që e ka shoqëruar deri në Vlorë me makinë Bullarin, por nuk ka pranuar autorësinë e krimit. Pavarësisht kësaj, ka prova të qarta që e implikojnë në vrasje. Selmanaj ka qenë i dënuar më herët për vjedhje.

Ai është dënuar në vitin 2012 për një sërë vjedhjesh, që i kryente në qytete të ndryshme të vendit, Tiranë, Vlorë e Fier. Sendet e vjedhura, 39-vjeçari i shiste më pas nëpër dyqane.