Asnjë artist nga Kosova/ Zbulohet lista e këngëtarëve që do ‘ndajnë’ skenën me Goran Bregoviç

I ftuar “special” në Festën e Birrës me datë 22 gusht do të jetë Goran Bregoviç.

Nuk kanë qenë të pakta reagimet e artistëve nga Kosova të cilët refuzuan kategorikisht të ndanin skenën me këngëtarin serb.

Disa prej tyre ishin Dafina Zeqiri, Capital T dhe shumë artistë të tjerë të cilët anuluan pjesëmarrjen.

Pas presionit publik u tërhoq edhe Shemi i grupit “Ilirët” duke e lënë festivalin pa asnjë artist kosovar.

Mirëpo, e njëjta gjë nuk ka ndodhur me artistët e njohur nga Shqipëria. Listës së këngëtarëve të cilët do të performojnë i shtohen tre “muskutjerët”, Aleksandër Gjoka, Elton Deda, Redon Makashi deri tek Vikena Kamenica. Pjesë do jenë edhe Kamela Islamaj, Devis Xheraku, Endri dhe Stefi Priftie, Orgesa Zaimi.

Për të gjithë qytetarët të cilët dëshirojnë që të dëgjojnë Bregoviçin ata do të duhet të pajisen me një biletë e cila kushton 1000 lekë.

Ndërkohë që ditën e djeshme “Birra Korça” u bëri thirrje Bashkisë së qytetit që të heqin biletën pasi Festa e Birrës është e qytetarëve dhe ata duhet ta shijojnë atë falas si çdo vit tjetër.