Asfiksohet dhëndri i Xhelal Mziut/ Çfarë i ndodhi?

Një fabrikë skrapi në zonën e Babrru-së në kryeqytet është përfshirë nga zjarri këtë të martë në Tiranë.

Forcat zjarrfikëse kanë mbërritur menjëherë në vendin e ngjarjes për shuarjen e flakëve, teksa policia ka vendosur parametrat e sigurisë.

Burime për mediat konfirmojnë se një prej zjarrfikësve është asfiksuar nga tymi dhe menjëherë është tërhequr.

Ai është dhëndrri i Xhelal Mziut dhe është dërguar me ambulancë për në spital. Për fat të mirë ndodhet në gjendje të stabilizuar.

Ende nuk dihet shkaku i rënies së zjarrit në godinë, ndërkohë janë evakuuar punëtorët e fabrikës.

Njoftimi i Policisë:

Tiranë/Informacion paraprak Rreth orës 14:30, në rrugën “Dine Hoxha” ka rënë zjarr në pikën e skrapit në pronësi të shtetasit F. L, ku ka vetëm dëme materiale.

Forcat zjarrëfikse ndodhen në vendngjarje dhe po punojnë për normalizimin e flakëve dhe fikjen e zjarrit.

Grupi hetimor punon për përcaktimin e shkakut të rënies së zjarrit