Alimehmeti: Janë rritur infektimet por ja çfarë thotë për situatën

Epidemiologu i njohur Ilir Alimehmeti ka analizuar situatën e Covid-19 në vendin tonë. Ai është shprehur se deri më tani një dozë e tretë nuk është e nevojshme pavarësisht se ka rritje infektimesh.

Në intervistën e dhënë për “Fax”, ai u shpreh gjendja e pandemisë në Shqipëri nuk është shqetësuese pasi është nën kontroll.

“Numrat janë në rritje, por është e përballueshme, dhe nuk jemi në fazën shqetësuese. Varianti Capa nuk është i ri, është i njohur më parë dhe Delta ja zuri vendin në Indi duke e dominuar.Delta përbën shumicën dërrmuese të rasteve. Doza e tretë e vaksinës nuk është e nevojshme pasi nuk ka prova, flasim për ato që po përdoren në Gjermani. Në gjithë botën nuk logjikohet më me rastet e reja por nga rastet e rënda dhe humbjet e jetës sepse nese infektohen të rinj atehërë nuk presim shumë probleme. Duke qene se të rinjtë kanë më pak risk dhe normalisht nuk duan të bëjnë vaksinën,”– u shpreh Alimehmeti.