LIGJET E BIZNESIT
Ish-zv.ministrja e Brendshme Rovena Voda, ka marrë lirinë me vendim të Gjykatës së Posaçme të Apelit.
Ky institucion ka pranuar kërkesën e saj, duke i ndryshuar masën e arrestit që kishte Gjykata e Shkallës së Parë.
Voda akuzohet për veprën penale “ushtrim ndikimi të paligjshëm” pasi dyshohet se ka marrë ryshfet për punësimin e Florida Beu dhe Majlinda Hasani në institucione publike.
Gjithashtu ajo akuzohet nga SPAK se ka marrë përfitime kundrejt emërimeve të tyre në detyrë.
Nga përgjimet, rezultoi se Voda kishte marrë në këmbim nga Beu, për punësimin e kësaj të fundit në institucion publik, një shumë prej 1 mijë eurosh, një telefon dhe një arkë me peshk.
