LIGJET E BIZNESIT
Gjykata në Kroaci ka vendosur shtyrjen me dy muaj të afatit të paraburgimit për shoferin e autobusit me pasagjerë shqiptarë nga Kosova që doli nga rruga në Kroaci duke shkaktuar 10 të vdekur.
Avokati i tij, Igor Cisper u shpreh se vendimi u mor nga gjykata për shkak të mundësisë së arratisjes së shoferit.
Mediumi kroat ’24 Sata’ shkruan se ka kontaktuar avokatin Cisper, i cili njoftoi se i ofroi garanci gjykatës një shumë prej rreth 15 mijë euro për mos-arratisjen e shoferit. Ai tha se klienti i tij nuk po ndihet mirë.
“Ne ofruam garanci prej 100,000 kuna (13,300 euro) por gjykata nuk e pranoi shumën. Klienti im bisedon me familjen e tij në Kosovë çdo ditë, por nuk është aspak të mirë”, u shpreh ai.
Avokati theksoi në fjalën e tij se janë në pritje të një ekspertize të trafikut, në mënyrë që të vërtetohen më tutje faktet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në autostradën e Slavonski Brodit, autobusi që po vinte nga Gjermania ku destinacion kishte Kosovën. Autbuzi pësoi vetëaksident, nga i cili mbetën të vdekur 10 kosovarë dhe 45 prej tyre pësuan lëndime trupore.
