Aksident tragjik në Korçë/ Ndërron jetë 41-vjeçari, makina humbi kontrollin dhe ra nga ura

Një aksident ka ndodhur në orët e para të mëngjesit, në fshatin Polenë, Korçë, ku ka dalë nga rruga dhe për pasojë ka rënë nga ura e këtij fshati, mjeti tip “Audi” me drejtues shtetasin T. B.

Për pasojë kanë marrë dëmtime drejtuesi i mjetit T. B. dhe shtetasi A. Z., rreth 41 vjeç, banues në Korçë, pasagjer në mjet, i cili pas mjekimit të marrë në Spitalin e Korçës, u transportua për mjekim të specializuar në Tiranë, ku ndërroi jetë.

Drejtuesi i mjetit, ndodhet në Spitalin e Korçës, nën kujdesin e mjekëve.

Grupi hetimor po punon për të zbardhur rrethanat e ngjarjes.