Abuzimi i 12-vjeçarit me autizëm në Kavajë/ Autori i divorcuar, u denoncua nga babai i djalit

Ngjarja ku një i mitur është abuzuar seksualisht nga një 39-vjeçar tronditi opinionin sot.

39-vjeçari i arrestuar nga policia e Kavajës është shtetasi Indrit C., i divorcuar nga Gosa e Kavajës.

Nuk dihet se si ai ka rënë në kontakt me të miturin 12-vjeçar, i cili rezulton me autizëm, sipas BW.

Ka qenë babai i djalit që ka denoncuar në polici. Kjo e fundit e ka pyetur të miturin dhe në prani të një psikologeje, teksa pritet që t’i nënshtrohet ekspertizës mjeko-ligjore.

Policia dhe Prokuroria po punojnë për zbardhjen e plotë të rastit, teksa autori i dyshuar është dërguar në paraburgim.