50-vjeçari në sallën e operacionit/ Emrat, kush janë burrë e grua që u qëlluan mbrëmjen e sotme

Burrë e grua u qëlluan me armë mbrëmjen e sotme në Kamzë.

Ata janë Preng Paluca dhe bashkeshortja e tij Antoneta Paluca.

Mësohet se gruaja është jashtë rrezikut për jetën, kurse burri është në operacion për momentin, është më rëndë.

Njoftimi i policisë

“Rreth orës 22:15, në rrugën “Kosova”, Kamzë, në rrethana ende të paqarta, në afërsi të banesës së tyre, janë plagosur dyshohet me armë zjarri pistoletë, shtetasi P. P., rreth 50 vjeç dhe bashkëshortja e tij shtetasja A. P., rreth 41 vjeçe, të cilët u dërguan në spital, dhe ndodhen nën kujdesin e mjekëve. Shërbimet e Policisë kanë shkuar menjëherë në vendngjarje, kanë bërë rrethimin e zonës dhe po kryejnë kontrolle me qëllim kapjen e autorit. Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit”, thuhet në njoftimin e policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern