Zyrtare/ Aksidenti në Kroaci: 67 pasagjerë nga Kosova, ka edhe fëmijë të plagosur

Shefi i Mbrojtjes Civile në Kroaci, Damir Trut, ka deklaruar se në aksidentin e ndodhur mëngjesin e sotëm në Slavonski-Brod, kanë ndërruar jetë nëntë pasagjerë dhe njëri nga shoferët që ishin në autobusin kosovar të linjës Frankfurt – Prishtinë.

Në një deklaratë për mediat, ai ka pohuar se në autobus ishin 67 udhëtarë e dy shoferë.

“Në autobus ishin 67 pasagjerë e dy shoferë. Fatkeqësisht, 9 punëtorë dhe një shofer kanë humbur jetën. 44 pasagjerë u pranuan në spital në Slavonski Brod. Tetë në gjendje të rëndë, e katër janë operuar. 14 pasagjerë dhe një shofer janë në stacionin policor, duke pritur akomodimin”, ka thënë ai.

Trut ka vijuar më tej duke thënë se në autobus kishte edhe fëmijë.