LIGJET E BIZNESIT
Norvegjia ka miratuar së fundmi një ligj drejtuar editimit të fotove, në një përpjekje për të adresuar çështjet e imazhit të trupit në shoqëri. Ky ligj i ri kërkon që krijuesit e të zbulojnë kur kanë edituar apo edhe shtuar filtra në një foto.
Në legjislacion midis të tjerash deklarohet:
“Çdo foto në të cilën ‘forma, madhësia apo lëkura e trupit është ndryshuar nga re-touch apo manipulime të tjera’, duhet të shënohet si e modifikuar”.
Përpos reklamave, ligji përcakton po ashtu edhe që personazhet e famshëm dhe “influencers” të rrjeteve sociale duhet të shënojnë në qoftë se paguhen apo përfitojnë në një farë mënyre nga postimi.
Rregullat u miratuan me shumicë dërrmuese një muaj më parë në parlamentin e Norvegjisë me një votim 72 me 15.
“Editimi i fotove luan rol në pasigurinë sociale, ndërgjegjësimin e keq si dhe vetëvlerësimin e ulët teksa kontribuon në presion që u bëhet njerëzve për trupat e tyre”, u shpreh ministria e Fëmijëve dhe Familjes. “Ligji ka për synim t’i kushtojë vëmendje të veçantë mënyrës së si portretizohen gratë në shoqëri dhe si e gjithë kjo kontribuon në pasiguritë e tyre.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Deklarata vazhdonte më tej:
“Shpresojmë që me këto masa të japim një kontribut tejet të dobishëm dhe një mesazh të rëndësishëm në frenimin e ndikimit në negativ, që kanë reklama të tilla, por jo vetëm, veçanërisht tek fëmijët dhe të rinjtë.”
Ligji, duhet të miratohet nga mbreti i Norvegjisë përpara se të miratohet zyrtarisht.
