Vrau 27-vjeçarin në Greqi për 100 euro, viktima dhe autori ishin shokë, kishin jetuar në një shtëpi

Të tjera detaje janë zbardhur nga ngjarja e rëndë që ka ndodhur në Mykonos dy ditë më parë, ku mbeti i vrarë një 27-vjeçar, pasi u qëllua me thikë në zemër nga bashkëkombasi i tij.

Mediat në Greqi kanë zbuluar detaje lidhur me konfliktin që çoi në ngjarjen tragike. Mësohet se autori i ngjarjes është një 29-vjeçar shqiptar bashkë me katër 22-vjeçarë dhe një 27-vjeçar.

Autori dhe viktima më parë kanë qenë edhe shokë dhe kanë jetuar në një shtëpi, ku ndanin edhe qiranë. Mirëpo dy ditë para se të ndodhte ngjarja e rëndë, 29-vjeçari pas një debati me viktimën për qiranë konkretisht 100 euro është larguar përfundimisht nga banesa, duke mos rënë dakord që të paguante muajin.

Pas kësaj, miqtë e përbashkët u përpoqën t’i gjenin dhe ndodhur në këto kushte ata caktuan një takim. Por ngjarja mori një kthesë tjetër. 29-vjeçari bashkë me katër miq të tjerë arritën në pikën e paracaktuar dhe në vend që mosmarrëveshjet e tyre të zgjidheshin me dialog, ata u përplasën fizikisht dhe vranë 27-vjeçarin.

Policia ka arrestuar autorët.