“Virusi nuk e ka ndaluar agresivitetin”, mjeku Dhimitër Kraja apelon qytetarët: Ja kush është detyra e shqiptarëve  

Profesori i njohur Dhimitër Kraja, mjek në Spitalin Infektiv në të cilin po trajtohen të sëmurët me Covid-19, ka apeluar të gjithë qytetarët që të paraqiten pranë qendrave të vaksinimit, pasi vetëm kështu sipas tij, mund të mposhtim pandeminë që ka mbërthyer vendin.

Nëpërmjet një video mesazhi, Kraja thotë se vendi ynë gjatë ditëve të fundit po përballet me një shtim të ndjeshëm të numrit të rasteve së të infektuarëve, teksa thekson se të gjithë qytetarët që kanë rezultuar pozitiv me Covid-19 nuk janë të vaksinuar.

“Kemi një shtim të vlerësueshëm të rasteve.  Të sëmurët janë të gjithë të pavaksinuar, pra virusi qarkullon në Shqipëri ende duke ruajtur infektueshmërinë e tij për të infektuar të pavaksinuarit, virusi gjithashtu ruan agresivtetin.

Duhet të vaksinohemi, duhet të vaksinohemi në mënyrë të plotë, jo vetëm me një dozë të vaksinës Vecc vaksinimi e cila është detyra numër 1 e të gjithë shqiptarëve është që duhet të respektojmë të gjitha rregullat e vendosura nga Komiteti i Ekspertëve”, thotë Kraja në mesazhin e tij.