LIGJET E BIZNESIT
Këshilli i Lartë Gjyqësor ka zbardhur këtë të mërkurë vendimin e pezullimit nga detyra të kryegjyqtares në detyrë të Elbasanit, Enkelejda Kapedani.
Theksohet se KLGJ i lë disa detyra Inspektorit të Lartë të Drejtësisë. Fillimisht, sipas KLGJ, ILD duhet të caktojë një ekspert IT dhe të përcaktojë se kush ka qenë personi që i publikoi videot e Kapedanit në rrjetin “Tik Tok”.
KLGJ po ashtu i kërkon ILD që të verifikojë sa persona kanë pasur akses për t’i parë videot e gjyqtares, në të cilat ajo shfaqej duke bërë sfilatë në ambientet e Gjykatës së Elbasanit, ose duke thyer rregullat e qarkullimit rrugor në timon.
Mirëpo, detyra më e çuditshme që KLGJ i cakton ILD është dokumentimi i tekstit të këngëve, që shoqërojnë në sfond imazhin e magjistrates, në videon e publikuara në rrjetin e saj të “Tik Tok”.
