LIGJET E BIZNESIT
Tre fëmijë kanë mbetur jetimë, pa baba teksa nëna e tyre mbetet në spital pas një përplasjeje të rëndë midis një motoçiklete dhe një makine. Ngjarja ndodhi në Kanada.
36-vjeçari shqiptar Kreshnik Cermjani si dhe gruaja e tij Ermira po ktheheshin nga darka në datën 29 qershor. Në njoftimin e saj, policia tha se çifti ishte me një motor në momentin që u përplas me një automjet të parkuar.
Cermjani vdiq ndërsa gruaja e tij mbeti e plagosur rëndë dhe po shërohet në një spital të Calgary. Ata kanë tre fëmijë, përkatësisht të moshave 11, 14 dhe 16. Vëllai i Cermjanit, Debatik Cermjani ishte me nipat dhe mbesën e tij kur morën vesh lajmin se prindërit e tyre ishin përfshirë në aksidentin tragjik.
“Ai ishte shumë i afërt me babanë e tij. Ai po thoshte “kush do të kujdeset për ne? Ai bëri gjithçka për ne ”, u shpreh Cermjani për djalin e madh të vëllait të tij.
Të dy vëllezërit punonin së bashku si bojaxhinj. Ata ishin zhvendosur në Calgary para 15 vitesh për të filluar një jetë më të mirë për familjet e tyre.
“Kreshnik ishte një djalë super energjik dhe punëtor,” tha presidenti i Shoqatës Shqiptare Kanadeze të Calgary, Ilir Kuqi.
“Të gjithë në komunitet e donin Nick. Nick ishte një djalë super i mirë. Ai ishte shumë mbështetës kur anëtarët e komunitetit kishin nevojë – ai ishte gjithmonë aty për të ndihmuar.”
“Janë fëmijët për të cilët jemi të shqetësuar. Ne duam të sigurohemi që të krijojmë sa më shumë mbështetje për ta. Askush nuk mund ta heqë humbjen e një babai”.
Debatik Cermjani ka katër fëmijë të tij por me humbjen tragjike të të vëllait, ai tha se tani ka shtatë fëmijë.
“Unë thjesht shqetësohem për ta dhe për gruan e tij. Ky do të jetë motivi për pjesën tjetër të jetës sime. Thjesht për t’i parë mirë. Thjesht për t’i parë ata se si vëllai im donte t’i shihte,”-tha ai.
