Varianti “Delta”/ Skënder Brataj zbulon grupin që rrezikohet më shumë për tu prekur nga ky virus

Kreu i Urgjencës Kombëtare Skënder Brataj ka folur për rrezikun që sjell varianti “Delta” i C OVID19.

Sipas tij grupi më i rrezikuar për tu prekur dhe për ta shpërndarë këtë mutacion janë personat e pavaksinuar.

“E veçanta e kësaj periudhe me këtë lloj virusi është fakti i infektimit të personave që nuk janë vaksinuar, por edhe atyre që kanë aplikuar një dozë deri më tani. Ndërsa vaksinimi me të dyja dozat e ka ulur me një përqindje shumë herë më të lartë përhapjen e këtij varianti”, tha Brataj në një intervistë për “Klan”.

Më herët edhe ministria e Shëndetësisë, Ogerta Manastirliu teksa foli për lehtësimin e masave anti-Covid ngriti alertin nga variant “Delta”, gjithashtu u bëri thirrje për vigjilencë.

Kujtojmë se variant “Delta” i koronavirusit është shfaqur për herë të parë në Indi në tetor të vitit të kaluar dhe që atëhere është përhapur në më shumë se 80 vende të botës.