Varianti “Delta”/ Mjeku Brataj: Edhe mund të ketë hyrë në Shqipëri

Mutacioni Delta mund të ketë mbërritur edhe në vendin tonë. Dyshime të tilla janë ngritur edhe më shumë pasi një person që ka ardhur nga Britania në Shqipëri ishte i prekur me Covid-19 me varatin indian.

Ky i fundit kishte bërë tamponin para se të nisej dhe kur mbërriti në Shqipëri ka marrë e-mail se është i prekur nga Covid-19 me variantin Delta (indian).

Në lidhje me këtë situatë, ka folur edhe drejtori i Urgjencës Kombëtare, Skënder Brataj, i cili nuk ka përjashtuar rastin që Delta të ketë mbërritur në Shqipëri.

“Por edhe mund të ketë hyrë. Kemi pasur shumë hyrje dalje këtë periudhë. Vendet fqinje janë prekur. Aq më tepër që parashikohet që do të predominojë Delta. Por ky mund të mos jetë rasti i vetëm. Pasi në vendin tonë vijnë persona nga vende të infektuara me Delta dhe ne nuk i kërkojmë minimumi tamponi negativ.

Ana negative është se do të rritet numri që e favorizon rritjen më tej në vjeshtë dhe ky është dhe problemi në Europë sepse rritet numri i atyre që shtrohen,” tha Brataj midis  të tjerash.