“U zura ngushtë” Grida Duma tregon historinë me simpatizantin e Partisë Demokratike

Deputetja e zgjedhur e PD Grida Duma, ka deklaruar se fati i errët i këtij vendi është që jo vetëm po varfërohet, por ne rrezikojmë tu lëmë të rinjve një Shqipëri më të keqe se në vitet 90-të.

Gjatë fjalës së saj në Kuvendin Kombëtar, ajo tregoi dhe një histori me një simpatizant të PD, i cili e kishte pyetur nëse kjo forcë politike kishte ndonjë kriminel në mënyrë që të merrte pushtetin.

“Dikush më pyeti, a nuk i kemi ne dy kriminelë për të marrë pushtetin?”, tha Duma.
Ajo tregoi se për një moment e pati të vështirë për t’i kthyer përgjigje; pasi sipas saj, dreqi ta hajë, a duhet t’i ketë kjo forcë politike dy kriminelë për të sjellë në pushtet këta njerëz.

“U zura ngusht, tregon ajo, t’i thoja atij se nuk i kemi dy kriminelë në parti, do t’i lija të kuptonte se ne ishim të dobët. Ti thoja se i kemi, do të thoshte se po dal në anë e kundër të historisë, në pjesën e keqe të saj”, tha ajo.

Më pas, Duma foli për mesazhin e një letre që ishte dorëzuar në recepsionin e PD-së për në adresë të saj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ajo rrëfeu se letra që i ishte dërguar mbante firmën e një të përndjekuri politik që për më tepër s’ankohet për fatin e tij.

Në letrën që i kishte ardhur asaj, ky i moshuar, i fliste për një episod, që kishte përjetuar përgjatë një udhëtimi me tren, kur i shoqëruar nga bashkëshortja e tij, kishin nisur një dialog me një vajzë të re.

“Ajo po shikonte tek celulari i saj një video dhe buzëqeshte me veten, ndërsa unë së bashku me bashkëshorten po dëgjoja fushatën e PD-së. Në një moment ajo kthen kokën nga ne, dhe shton: Si i dëgjoni këta, të gjithë janë njësoj. Fillimisht u nevrikosa, por bashkëshortja ime, njeriu që më qetëson nervat prej vitesh, ndërhyri, duke i thënë se sa bukur ishte veshur ajo, ndoshta edhe pse nuk e kuptoi, dikush asaj i po i bënte një compliment. Pasi bashkëshortja po e përkëdhelte, në një moment i thotë asaj se gjithë kjo veshje, kjo liri, madje edhe lira për të sharë dikë, ka ardhur falë kësaj partie”, tha Duma.