Tronditet Rrogozhina/ Burri tenton të varë gruan me litar, 35 vjeçarja i shpëton vdekjes

Një ngjarje tronditëse ka ndodhur sot në Rrogozhinë.

Mësohet se një burrë ka tentuar të varë në litar gruan në ambientet e banesës.

E gjithë skena është shënuar në lagjen nr.2 të qytetit.

Për fat të mirë, 35-vjeçarja G. Lika i ka shpëtuar vdekjes.

Bashkëshorti K.Lika rreth 40 vjeç, ka qenë i dënuar më parë për vjedhje, dhe kishte vetëm 5 muaj që ishte liruar nga burgu.

Mësohet se fill pasi ka kryer aktin e rëndë duke varur me litar bashkëshorten autori është larguar nga banesa. 35-vjeçarja G. Lika raportohet se kishte pasur konflikte të vazhdueshme me bashkëshortin.

Policia ka ngritur grupe kontrolli për kapjen e autorit, ndërsa bashkëshortja po merr ndihmën e parë në Spitalin e Rrogozhinës.