“Tregoi një gatishmëri të jashtëzakonshme” Dritan Abazoviç zbardh 3 çështjet me rëndësi që diskutoi në takimin me Ramën

Sot zv.kryeministri i Malit të Zi Dritan Abazoviç zhvilloi sot një vizitë zyrtare në Tiranë.

Ai u takua gjithashtu dhe me kryeministrin Edi Rama.

Më pas në një intervistë për emisionin “Top Talk” Abazoviç zbardhi detajet nga takimi i rëndësishëm.

Zv.kryeministri i Malit të Zi tregoi se tre kanë qenë temat kryesore që janë diskutuar me kryeministrin Edi Rama, mes tyre është edhe krijimi i një ure nga Velipoja në Ulqin që do t’i jepte më shumë zhvillim të dyja vendeve.

Abazoviç: Kjo ishte vizita e parë zyrtare e qeverisë së re në Shqipëri. Me kryeministrin Edi Rama kemi biseduar gjëra konkrete dhe kemi fol shumë bukur dhe se një pjesë e këtyre gjërave të realizohen do ishte një punë shumë e madhe dhe e mirë.

Tre projekte për infrastrukturën kemi diskutuar me kryeministrin, trendi i hekurudhës Dors-Podgoricë, autostrada Korridori Blu. Kjo është një gjë çfarë kemi për të aplikuar bashkë dhe e treta një urë që do lidhë Velipojën dhe Ulqinin, të jetë e gjerë sa është e gjithë Buna. T’i bëjmë këto të dyja një zonë e madhe turistike. Rama ka treguar një gatishmëri të jashtëzakonshme.