Temperaturat “plasin” termometrin, po vjen i nxehti afrikan, bëhuni gati

Fenomeni i ashtuquajtur “liqeni i ftohtë” i cili goditi javën e shkuar edhe vendin tonë, tanimë po i lë vendin të nxehtit afrikan që do të godasë rajonin.

Nga kjo e hënë pritet që të ketë një rritje të ndjeshme të temperaturave. Po ashtu, Shërbimi Meteorologjik grek nuk përjashton mundësinë që termometri të arrijë deri në 42 gradë Celsius.

“Nga e hëna vjen një valë e re e të nxehtit nga Afrika e Veriut e cila fillimisht do të prekë Greqinë perëndimore.

Por nga e marta deri në fund të javës nxehtësia do të mbizotërojë në të gjithë vendin, që pritet që të arrijë 40-42 gradë. Këto temperatura do të vazhdojë deri në ditët e para të gushtit” bwn me dije shërbimi grek i Meteorologjisë.

I nxehti në shtetin grek pritet që të godasë edhe vendin tonë që nga frika e “liqenit të ftohtë” duhet të bëhet gati për temperatura të larta.